कोरोनाशी सामना करण्यासाठी मोदी सरकारची तयारी, तीन-टप्प्यांची आखली योजना

राज्ये आणि केंद्रशासित प्रदेशांना पाठविलेल्या पत्रानुसार या प्रकल्पात तीन टप्पे आहेत

नवी दिल्ली | देशात कोरोना विषाणूची प्रकरणे सतत वाढत आहेत. कोरोना विषाणूचा सामना करण्यासाठी मोदी सरकार सर्वतोपरी प्रयत्न करत आहे. आता कोरोना विषाणूच्या साथीवर लढण्यासाठी नरेंद्र मोदी सरकारने तीन चरणांची रणनीती आखली आहे.

कोविड -19 विरूद्ध लढा देण्यासाठी केंद्राने राज्यांना पॅकेज जारी केले आहे. या पॅकेजला इमर्जन्सी रिस्पॉन्स अँड हेल्थ सिस्टम प्रिपेरेनेस पॅकेज असे नाव देण्यात आले आहे. हे पॅकेज केंद्राकडून 100% दिले जाते. कोविड - 19 विरुद्धचा लढा जास्त काळ टिकेल असा केंद्राचा अंदाज आहे. त्याच वेळी, राज्ये आणि केंद्रशासित प्रदेशांना पाठविलेल्या पत्रानुसार या प्रकल्पात तीन टप्पे आहेत.

पहिला टप्पा - जानेवारी 2020 ते जून 2020++

दुसरा टप्पा - जुलै 2020 ते मार्च 2021

तिसरा टप्पा - एप्रिल 2021 ते मार्च 2024

पहिल्या टप्प्यात कोविड -19 रुग्णालये विकसित करणे, वेगळ्या ब्लॉक तयार करणे, व्हेंटिलेटर सुविधेचे आयसीयू बनविणे, पीपीई (वैयक्तिक संरक्षण उपकरणे) - एन 95 मास्क- व्हेंटिलेटरची उपलब्धता यावर लक्ष केंद्रित केले जाईल.

लॅब नेटवर्क आणि डायग्नोस्टिक सुविधा तयार करण्यावर लक्ष केंद्रित केले जाईल. या निधीवर पाळत ठेवणे, साथीच्या आजारांविरुद्ध जागरूकता निर्माण करण्यासाठी देखील केला जाईल. या निधीचा एक भाग रुग्णालये, सरकारी कार्यालये, सार्वजनिक सुविधा आणि रुग्णवाहिका संसर्गमुक्त करण्यावर खर्च केला जाईल.



AM News Developed by Kalavati Technologies