पंढरपूरात अतिवृष्टीमुळे झालेल्या पिकांचे तात्काळ पंचनामे करा - पालकमंत्री दत्तात्रय भरणे

अतिवृष्टीने शेतकऱ्यांचे मोठ्या प्रमाणात नुकसान झाले असून, त्याचे तात्काळ पंचनामे करण्याचे आदेश पालकमंत्री दत्तात्रय भरणे यांनी दिले आहे

पंढरपूर । गेल्या दोन दिवसांत अतिवृष्टीमुळे नुकसान झालेल्या पिकांचे तसेच पडझड झालेल्या घरांचे सूक्ष्म पंचनामे करावेत. कोणताही नुकसानग्रस्त शेतकरी कुटुंब वंचित राहणार नाही याची दक्षता संबधितांनी घ्यावी अशा सूचना पालकमंत्री दत्तात्रय भरणे यांनी दिल्या आहेत. भरणे यांनी आज पंढरपूर येथील कुंभारघाट येथे भेट देऊन पाहणी केली. तसेच चंद्रभागा नदीच्या तीरावरील कुंभार घाटावरील संरक्षित भिंत कोसळल्यामुळे सहा जणांना मृत्यू झाला होता. त्यांच्या कुंटुबियांची भरणे यांनी भेट घेतली. यावेळी त्याच्या समवेत जिल्हा पोलीस अधिक्षक तेजस्विनी सातपुते, प्रांताधिकारी सचिन ढोले, उपविभागीय पोलीस अधिकारी विक्रम कदम, गटविकास अधिकारी रविकिरण घोडके, मुख्याधिकारी अनिकेत मानोरकर उपस्थित होते.

भरणे म्हणाले की, पंढरपूर येथील चंद्रभागा नदीच्या तीरावरील कुंभार घाटावरील संरक्षित भिंत कोसळल्यामुळे सहा जण मरण पावले. त्यांच्या कुटुबियांना शासनामार्फत आवश्यक ती मदत करण्यात येईल. निकृष्ट दर्जाचे घाट बांधणी करण्याऱ्या ठेकेदारावर गुन्हा दाखल करण्यात आला असून, यांमध्ये कोणीही दोषी आढल्यास संबधितांवर कारवाई करण्यात येणार आहे. सोलापूर जिल्ह्यात अतिवृष्टीने पिकांचे मोठ्या प्रमाणात नुकसान झाले आहे. तसेच घरांची मोठ्या प्रमाणात पडझडही झाली आहे. बंधाऱ्यांचे व पाझर तलावांचेही मोठ्या प्रमाणात नुकसान झाले. जिल्हा प्रशासनाला नुकसान झालेल्या सर्व क्षेत्राचे पंचनामे करुन, अहवाल शासनास सादर करण्यासाठी सांगितले आहे.

शासन शेतकऱ्यांच्या व नागरिकांच्या पाठीशी खंबीरपणे उभे असून, शासनस्तरावरुन नियमानुसार आवश्यक ती मदत करण्यात येणार असल्याचे, भरणे यांनी सांगितले. यावेळी प्रांताधिकारी ढोले यांनी तालुक्यात अतिवृष्टीने नुकसान झालेल्या विविध भागांची माहिती दिली. तसेच प्रशासनाकडून करण्यात आलेल्या उपाययोजनेची माहिती दिली. पंढरपूर येथील चंद्रभागा नदीच्या तीरावरील कुंभार घाटावरील संरक्षित भिंत कोसळल्यामुळे सहा जण मरण पावले. यामध्ये मरण पावलेल्या अभंगराव कुटूंबियांच्या नातेवाईची भेट पालकमंत्री भरणे यांनी घेतली व शासनाच्या वतीने मृत व्यक्तीच्या नातेवाईकाला चार लाख रुपयांची मदत देण्यात येईल, असे सांगितले.



AM News Developed by Kalavati Technologies

A PHP Error was encountered

Severity: Core Warning

Message: PHP Startup: Unable to load dynamic library 'ftp.so' (tried: /RunCloud/Packages/php72rc/lib/php/extensions/no-debug-non-zts-20170718/ftp.so (/RunCloud/Packages/php72rc/lib/php/extensions/no-debug-non-zts-20170718/ftp.so: cannot open shared object file: No such file or directory), /RunCloud/Packages/php72rc/lib/php/extensions/no-debug-non-zts-20170718/ftp.so.so (/RunCloud/Packages/php72rc/lib/php/extensions/no-debug-non-zts-20170718/ftp.so.so: cannot open shared object file: No such file or directory))

Filename: Unknown

Line Number: 0

Backtrace: