Death Anniversary | भारतातील संचारक्रांतीचे जनक राजीव गांधी यांच्या जीवनातील Unknown facts जाणून घ्या...

आज राजीव गांधी यांची पुण्यतिथी

डेस्क स्पेशल | तंत्रज्ञान क्षेत्रात महत्त्वाचे योगदान देऊन, भारताला आधुनिक जगाची कवाडं उघडून देणाऱ्या माजी पंतप्रधान 'भारतरत्न' राजीव गांधी यांची आज पुण्यतिथी आहे. वयाच्या 40 व्या वर्षी पंतप्रधान बनलेले श्री. राजीव गांधी भारताचे सर्वात तरुण पंतप्रधान होते आणि कदाचित जगातील अशा तरुण राजकीय नेत्यांपैकी एक होते ज्यांनी सरकारचे नेतृत्व केले. अत्यंत मनमिळाऊ व्यक्तिमत्त्व असलेले राजीव गांधी यांनी त्यांच्या आई आणि देशाच्या तत्कालीन पंतप्रधान इंदिरा गांधी यांच्या हत्येनंतर 31 ऑक्टोबर 1984 रोजी पंतप्रधान म्हणून शपथ घेतली. राजीव गांधी यांचा जन्म 20 ऑगस्ट 1944 रोजी झाला भाऊ संजय गांधी यांच्या मृत्यूनंतर त्यांनी प्रथमता राजकारणात पाऊल ठेवले. आपल्या कार्यकाळात त्यांनी नोकरशाही आणि देशाच्या अर्थव्यवस्थेचे उदारीकरण सुधारण्यासाठी जोरदार पावले उचलली. राजीव गांधी यांना देशातील माहिती तंत्रज्ञान आणि संचार क्रांतीचे जनक देखील म्हटले जाते. राजीव गांधी यांनी कधीही घाईत कोणताही निर्णय घेतला नाही. आज राजीव गांधी यांची पुण्यतिथी असल्यानं त्यांच्या आठवणींना उजाळा देण्यासाठी ही सविस्तर माहिती आपण जाणून घेणार आहोत.

राजीव गांधी यांचा जन्म 20 ऑगस्ट 1944 रोजी बॉम्बे प्रेसिडेन्सी येथे झाला. ते त्यांच्या कुटुंबातील तिसर्‍या पिढीचे पंतप्रधान होते. जवाहरलाल नेहरू यांचे नातू आणि इंदिरा गांधी यांच्या या मुलाला राजकारणाचा वारसा मिळाला. राजीव गांधी आणि त्यांचे छोटे भाऊ संजय गांधी यांचे शिक्षण देहरादूनच्या प्रतिष्ठित दून स्कूलमध्ये झाले. यानंतर राजीव गांधी यांनी लंडनच्या इम्पीरियल कॉलेजमध्ये प्रवेश घेतला आणि केंब्रिज विद्यापीठातून अभियांत्रिकी पूर्ण केली. याशिवाय त्यांच्याकडे राजीव कमर्शियल पायलट हा परवानाधारक होता. भारतात परतल्यानंतर त्यांनी प्रदीर्घ काळ इंडियन एअरलाईन्सची सेवा केली. तथापि, त्यांची राजकीय कारकीर्द फार काळ टिकली नाही आणि 21 मे 1991 रोजी ते मद्रासपासून 30 मैलावर असलेल्या श्रीपेरंबुदूर येथे एका मोर्चाच्या वेळी एलटीटीईच्या अतिरेक्यांनी केलेल्या आत्मघाती हल्ल्यात ते शहीद झाले. त्यांच्या मृत्यूने केवळ देशच नव्हे तर संपूर्ण जग हादरले.

1987 मध्ये राजीव गांधी यांच्यावर श्रीलंकेमध्ये एलटीटीई समर्थक नौदलाने हल्ला केला होता. त्याचे नाव विजिता रोहाना विजेमुनी होते. गार्ड ऑफ ऑनर दरम्यान राजीव गांधी सैनिकांच्या तुकडीच्या अगदी जवळ गेले होते तेव्हा हा हल्ला झाला. त्याचवेळी विजयीमुनीने आपल्या रायफलच्या बटणावर राजीव गांधींवर हल्ला केला. त्यांच्यामागे येणाऱ्या सुरक्षा कर्मचार्‍यांनी वेळीच राजीव गांधी यांचे प्राण वाचवले ही विशेष बाब आहे. यानंतर राजीव गांधी यांच्यावर फायरिंग करणाऱ्या जवानास अटक करण्यात आली आणि सदरील जवानाचे कोर्ट मार्शल करण्यात आले. श्रीलंकेत शांतता सैन्य पाठवून राजीव गांधी तेथे दौर्‍यावर गेले होते.

राजीव गांधींनी पंतप्रधानपदाच्या वेळी श्रीलंकेत शांतता प्रस्थापित करण्यासाठी भारतीय सैन्य पाठवले, पण याचा परिणाम म्हणून ते स्वत: ला लिबरेशन टायगर्स ऑफ तामिळ आलम [एलटीटीई] च्या निशाण्याखाली आले. 21 मे 1991 रोजी राजीव गांधी रात्री 10.10 वाजता रॅलीच्या ठिकाणी पोहोचले. ते गाडीच्या पुढच्या सीटवर बसले आणि खाली उतरताच सर्वांना अभिवादन केले. काही अंतरावर आत्मघाती हल्लेखोर धनुने त्यांना हार घातला आणि त्यानंतरच एका स्फोटात हवेत सर्व लोकांचे चिथळे उडाले. यामध्ये राजीव गांधी यांचा देखील समावेश होता. हा स्फोट इतका भयानक होता की राजीव गांधी यांचा मृतदेह त्याच्या शूजवरून आणि घड्याळावरून ओळखला गेला.

संजय गांधी राजकारणात असतांना राजीव गांधी हे राजकारणाबाहेरच होते. मात्र 23 जून 1980 रोजी संजय गांधी यांचे विमान अपघातात निधन झाले आणि त्यानंतर इंदिरा गांधींनी राजीव यांना राजकारणात आणले. जून 1981 मध्ये ते लोकसभेच्या झालेल्या पोटनिवडणुक निवडून आले आणि त्याच महिन्यात ते युवक कॉंग्रेसच्या राष्ट्रीय कार्यकारिणीचे सदस्यही बनले. त्यांच्या कारकीर्दीत बोफोर्स तोफ खरेदीच्या लाच देण्याचा मुद्दा विरोधकांनी जोरदारपणे उपस्थित केला आणि त्यामुळे निवडणुकीत कॉंग्रेसचा पराभव झाला आणि राजीव यांना पंतप्रधानपदावरून पायउतार व्हावे लागले. या तोफ डीलचे मुख्य पात्र इटलीचे नागरिक ओटाव्हिओ क्वात्रोची होते.

1965 मध्ये राजीव गांधी यांची आणि अल्बिना (आजचे नाव सोनिया गांधी) यांची भेट झाली. अल्बिना त्या वेळेस केंब्रिज विद्यापीठात शिक्षण घेत होत्या. एका रेस्टॉरंटमध्ये सोनिया आणि राजीव यांची भेट झाल्यानंतर काही दिवसातच ते एकमेकांच्या प्रेमात पडले. आणि नंतर त्यांनी लग्न करण्याचा निर्णय घेतला. लग्नानंतर अल्बिना यांचे एक नवीन नाव पडले. त्यांना सोनिया नावाने ओळख मिळाली. आज त्यांना संपुर्ण देश या नावाने ओळखतो. राजीव गांधी यांच्या मृत्यूनंतर सोनिया गांधींनी धीर न सोडता राजकारण सुरू ठेवले. आज सोनिया गांधी देशातील सर्वात शक्तिशाली राजकारणी महिला आहे.



AM News Developed by Kalavati Technologies